وزیرداخلہ شیخ رشید احمد کا اسلام آباد پولیس میں 2ہزار بھرتیوں کا اعلان

اسلام آباد: پولیس لائن میں اسلام آباد پولیس کے زیراہتمام تقریب سے خطاب کرتے ہوئے وفاقی وزیر داخلہ شیخ رشید احمد کا کہنا تھا کہ اسلام آباد پولیس پر پاکستان کی باقی پولیس کی نسبت بہت زیادہ ذمہ داریاں عائد ہوتی ہیں،ڈی چوک میں آئے روز کوئی احتجاج ہوتا ہےاسلام آباد میں امن و امان اور وفاقی دارالحکومت کی بہتری میں اسلام آباد پولیس کا بہت اہم کردار ہے۔انہوں نے مزید کہا کہ اسلام آباد پولیس کو ذمہ دار پولیس بنائیں گے۔اسلام آباد پولیس کی نفری بڑھانے کیلئے 2ہزار نوجوان مزید بھرتی کئے جائیں گے، میڈیا سے گفتگو کرتے ہوئے شیخ رشید احمد کا کہنا تھا کہ 2 ہزار لوگ 2 مرحلوں میں بھرتی کئے جائیں گے۔