اسلام آباد: پمز اسپتال کے قریب اے این ایف انٹیلی جنس اور اے این ایف کی مشترکہ کاروائی

ٹوئن سٹی نیوز کو موصول معلومات کے مطابق اے این ایف انٹیلی جنس اور اے این ایف نے جڑواں شہروں میں مشترکہ کارروائی کی اور کارروائی کے دوران پمز اسپتال کےقریب سے 2گاڑیوں سے منشیات برآمد کی۔

ترجمان اے این ایف کا تفصیلات بتاتے ہوئے کہنا تھا کہ منشیات میں 32کلوہیروئن،12کلو افیون شامل ہے، دونوں گاڑیوں میں سوار 3ملزمان کو گرفتارکرلیا گیا ہے۔

ترجمان نے بتایا روات کے قریب دونوں مشکوک گاڑیوں کو رکنے کا اشارہ کیا گیا تھا، جس کے بعد اے این ایف ٹیم نےگاڑیوں کاتعاقب کرکےپمزاسپتال کے قریب پکڑلیا۔

اے این ایف ترجمان کا مزید کہنا تھا کہ دونوں گاڑیوں سے مجموعی طور پر 44.750 کلو منشیات برآمد ہوئیں۔