پاکستان تحریک انصاف نے مہنگائی کے خلاف احتجاج کی کال دے دی

اسلام آباد(احسن رضا)پی ٹی آئی اسلام آباد کا عمران خان کی ہدایت کے مطابق اتوار کی رات بدترین مہنگائی کے خلاف زبردست احتجاج کرنے کا فیصلہ، اس موقع پر چیئرمین عمران خان کا تاریخی خطاب براہ راست دکھایا جائے گا سیکرٹری جنرل اسد عمر اور صدر اسلام آباد ریجن علی نواز اعوان کی زیرصدارت ریجنل ایڈوائزری کونسل کے اجلاس میں فیصلہ کیا گیا کہ ملک بھر کی طرح اسلام آباد میں بھی بھرپور احتجاجی مظاہرے کئے جائیں گے جس میں اسلام آباد کے شہری اور دیہی علاقوں سے کارکنان اور عام شہری بھرپور شرکت کریں گے اس موقع پر ایف نائن پارک میں چیئرمین عمران خان کا تاریخی خطاب براہ راست دکھایا جائے گا