یومِ تکریم شہداء: قوم کا شہیدوں کو خراج عقیدت، جی ایچ کیو میں مرکزی تقریب

یومِ تکریم شہدائے پاکستان کے موقع پر جنرل ہیڈ کوارٹرز جی ایچ کیو میں مرکزی تقریب جاری کا انعقاد

چیف آف آرمی اسٹاف جنرل عاصم منیر تقریب کے مہمانِ خصوصی تھے

تقریب میں مسلح افواج کے حاضرسروس اور ریٹائرڈ افسران بھی شریک ہوئے جن میں سابق آرمی چیف جنرل (ر) قمر جاوید باجوہ، سابق چیئرمین جوائنٹ چیفس جنرل ندیم رضا اور دیگر ریٹائرڈ افسران بھی موجود تھے۔ اس کے علاوہ چیئرمین رویت ہلال کمیٹی مولانا عبدالخبیر آزاد، مفتی منیب الرحمان، قومی ٹیم کے کپتان بابراعظم سمیت مختلف شعبہ زندگی سے تعلق رکھنے والی شخصیات بھی موجود تھی

تقریب کا آغاز تلاوتِ کلام پاک سے کیا گیا جس کے بعد قومی ترانے کی دھن بجائی گئی۔

آرمی چیف جنرل عاصم منیر نے یادگار شہدا پر حاضری دی، پھول چڑھائے،فاتحہ خوانی اور  شہدا کے بلند درجات کے لیے دعا کی

تقریب میں موجود شہدا کے اہلخانہ اور اسکول کے بچوں نے بھی یادگار شہدا پر پھول رکھے۔