ماورا حسین نے امیر گیلانی سے شادی کی تصدیق کر دی

پاکستانی اداکارہ ماورا حسین نے اپنی شادی کی خبروں پر تبصرہ کرتے ہوئے ساتھی اداکار امیر گیلانی سے نکاح کی تصدیق کردی۔ ماورا حسین اور امیر گیلانی کی شادی کی خبریں زیر گردش رہی ہیں تاہم اب اداکارہ نے ان پر خاموشی توڑتے ہوئے نکاح کی تصدیق کی ہے، اس حوالے سے ماورا نے انسٹاگرام پر بتایا کہ انہوں نے نکاح کرلیا ہے، اپنی اور امیر گیلانی کی تصاویر شیئر کرتے ہوئے پوسٹ کے کیپشن میں انہوں نے لکھا کہ ’بالاخر اس ہنگامے کے دوران میں نے تمھیں حاصل کرلیا‘ اسی کے ساتھ ماورا حسین نے ہیش ٹیگ #MawraAmeerHoGayi بھی استعمال کیا، انہوں نے اس پوسٹ میں 5 فروری کی تاریخ درج کرتے ہوئے بسم اللہ بھی لکھا، جس سے اندازہ ہوتا ہے کہ ان کے ازدواجی سفر کا آغاز 5 فروری سے ہی ہوا ہے۔

یہاں قابل ذکر بات یہ ہے کہ اس سے قبل سوشل میڈیا پر یہ افواہیں زیر گردش تھیں کہ شوبز اداکارہ ماورا حسین اپنے قریبی دوست اور ساتھی اداکار امیر گیلانی کے ساتھ رشتہ ازدواج میں بندھ گئی ہیں، تاہم ماورا کی جانب سے نکاح کا باضابطہ اعلان ہونے پر ان خبروں کے سچ ہونے کی تصدیق ہوگئی اور دونوں کے مداحوں نے دونوں کی نئی زندگی کی شروعات کیلئے نیک تمنائوں کا اظہار بھی کیا۔https://twincitynews.pk/mahirakhan/