غوری ٹاؤن گاڑی اور موٹر سائیکل کے مابین تصادم

اسلام آباد(نمائندہ ٹوئن سٹی نیوز احسن رضا سے)غوری ٹاؤن اسلام آباد میں ٹریفک کے اصول و ضوابط نہ ہونے کی وجہ سے گاڑی اور موٹر سائیکل کے درمیان حادثہ:حادثہ اسوقت پیش آیا جب گاڑی غوری ٹاؤن کے باہر والے راستے کی جانب سے اور موٹر سائیکل داخلی راستے کی جانب جا رہا تھا۔عینی شاہدین کے مطابق گاڑی کے اپنی سمت سے ہٹ کر مخالف سمت کی جانب جانے کی وجہ سے حادثہ رونماہوا۔دونوں آپس میں مخالفت سمت سے ٹکرائے۔ گاڑی اور موٹر سائیکل کو نقصان پہنچا البتہ جانی نقصان نہیں ہوا،سول سوسائٹی غوری ٹاؤن کے کارکنان سمیت تاجر برادری نے غوری ٹاؤن میں بڑھتے ہوئے حاثات پر تشویش کا اظہار کرتے ہوئے کہا ہے کہ اسلام آباد ٹریفک پولیس نے غوری ٹاؤن کو علاقہ غیر سمجھ رکھا ہے،ٹریفک پولیس قوانین پر عملدارآمد کروانے میں مکمل طور پر ناکام ہوچکی ہے،سماجی رہنما نعمان اشرف ،تاجر رہنما غوری ٹاؤن عباس وڑائچ نے بھی ٹریف پولیس کی لاپرواہی اور غوری ٹاؤن میں سڑکوں کی خستہ حالی کو حادثات کی وجہ قرار دیا