مریم نواز شریف سے متحدہ عرب امارات کے سفیر حماد عبید ابراہیم الزعابی کی ملاقات

وزیر اعلیٰ پنجاب مریم نواز شریف سے متحدہ عرب امارات کے سفیر حماد عبید ابراہیم الزعابی کی ملاقات ہوئی ہے۔

ملاقات میں دو طرفہ تعاون کو مزید بلندی پر پہنچانے کے لیے پنجاب اور یو اے ای کا ورکنگ گروپ قائم کرنے کا فیصلہ کیا گیا ہے۔

وزیر اعلیٰ کے دفتر سے جاری بیان میں کہا گیا ہے کہ ملاقات میں معاشی تعاون اور پنجاب میں ترقیاتی منصوبوں اور سیاحت کے فروغ پر تبادلہ خیال کیا گیا اور یو اے ای کے سرمایہ کاروں کو پنجاب میں سرمایہ کاری کی دعوت دی۔

مریم نواز شریف نے  یو اے ای کے سرمایہ کاروں کے لیے خصوصی مراعات اور سازگار ماحول کی یقین دہانی کروائی۔

اس موقع پر وزیر اعلیٰ نے کہا کہ صوبہ پنجاب زراعت، ٹیکنالوجی، گرین انرجی اور دیگر شعبوں میں عرب امارات کے ساتھ تعاون کا خواہاں ہے۔