سری لنکن کرکٹر لہیرو تھریمانے نے ریٹائرمنٹ کا اعلان کردیا

سری لنکا کے معروف کرکٹر لہیرو تھریمانے نے انٹرنیشنل کرکٹ سے ریٹائرمنٹ کا اعلان کردیا ہے۔

میڈیا رپورٹس کے مطابق 34 سالہ سری لنکن کرکٹر نے اپنا آخری میچ مارچ 2022ء میں بھارت کے خلاف بنگلورو میں کھیلا تھا۔

تھریمانے نے 44 ٹیسٹ میچوں میں 2 ہزار 88 رنز بنائے، ان کا بڑا انفرادی اسکور 155 رنز ناٹ آؤٹ رہا۔

کرکٹر نے 127 ایک روزہ میچز میں 3 ہزار 194 رنز بنائے، جس میں 4 سنچریاں بھی شامل ہیں، بڑا انفرادی اسکور 139 رنز ناٹ آؤٹ تھا۔

تھریمانے 26 ٹی 20 میچز میں ملک کی نمائندگی کی اور 291 رنز اسکور کیے۔

یاد رہے کہ کرکٹ ورلڈ کپ کا آغاز اکتوبر میں ہوگا۔سری لنکا کی ٹیم بھی بھارت میں ہونے والے میگا ایونٹ میں شرکت کریگی ۔