بارہ محرم الحرام تک ریڈ زون میں ہر قسم کے موٹرسائیکل کا داخلہ مکمل بند

تفصیلات کے مطابق وفاقی دارلحکومت اسلام آباد میں واقع ریڈزون میں12محرم الحرام تک ہر قسم کے موٹر سائیکل کا داخلہ ممنوع قرار دے دیا گیاہے،ریڈزون میں واقع اہم سرکاری و نجی دفاتر میں کام کرنے والے افراد کے لئے خصوصی شٹل سروس شروع کر دی گئی ہے،یہ شٹل سروس صبح 07بجے سے لے کر شام 07بجے تک میسر ہو گئی،شٹل سروس نادرا چوک ،سرینا چوک ،میریٹ چوک اور پریڈ ایونیو سے چلائی گئی ہے،شہری 12محرم الحرام تک ریڈزون کی طرف موٹر سائیکل پر سفر کرنے سے گریز کریں،اس کے علاوہ شہر بھر میں مو ٹر سائیکل کی ڈبل سواری پر بھی پابندی عائد کر دی گئی ہے،غیر نمونہ اور بغیر نمبر پلیٹ موٹر سائیکلوں اور گاڑیوں کے خلاف بھی کریک ڈائوں شر وع کر دیا گیا ہے،شہری گاڑیوں اور موٹر سائیکلوں پر صرف ایکسائز دفتر سے جاری کر دہ نمبر پلیٹ کا ہی استعمال کریں اور قانون کی پاسداری کو یقینی بنائیں،اسلام آباد کیپیٹل پولیس شہریوں کی جان و مال کے تحفظ کے لیے ہمہ وقت کوشاں ہے،شہری کسی بھی مشکوک سرگرمی کے متعلق "پکار "15- پر اطلاع کریں۔