مذاکرات ختم شد!! پی ٹی آئی اور حکومت دونوں نے فیصلہ کر لیا

اسلام آباد (اسامہ قذافی سے) پاکستان تحریک انصاف کی جانب سے وزیراعظم شہباز شریف کی مذاکرات کی پیشکش کو مسترد کرنے پر حکومت نے بھی مذاکراتی عمل ختم کرنے کا اعلان کر دیا، ترجمان حکومتی مذاکراتی کمیٹی سینیٹر عرفان صدیقی نے مذاکرات کے خاتمے کی تصدیق کردی، ان کا کہنا ہے کہ گر پی ٹی آئی اپنے قیدیوں کی رہائی چاہتی ہے تو واحد راستہ یہ ہے کہ وزیراعظم اور صدر سے سزائیں معاف کرنے کی سفارش کریں، سینیٹر عرفان صدیقی کا کہنا تھا کہ پی ٹی آئی کے ساتھ مذاکرات کا سلسلہ ختم ہوچکا ہے۔

تحریک انصاف والے جس تیزی کے ساتھ مذاکرات کیلئے آئے تھے اسی تیزی سے واپس چلے گئے۔ جوڈیشل کمیشن کے مطالبے پر حکومت نے سرخ لکیر کبھی نہیں کھینچی تھی۔

ہمارے وکلاء کا مشورہ تھا کہ جب معاملات عدالتوں میں ہوں تو اس پر جوڈیشل کمیشن نہیں بن سکتا۔ اس کے باوجود ہم نے دو ٹوک جواب دینے کے بجائے یہ سوچا تھا کہ ہم یہ جواب دیں گے کہ ہمارے وکلاء کی یہ رائے ہے آپ اپنے وکلاء کو بلا لیں جو اپنی رائے دیں۔

ہمیں قائل کریں اور ہم مل کر بیچ کا کوئی راستہ نکال لیں گے۔ پی ٹی آئی ایک منفرد عجوبہ ہے، جس کے ڈی این اے اور خمیر میں مذاکرات شامل ہی نہیں۔انہوں نے کہا کہ تحریک انصاف واحد اور حقیقی مطالبہ عمران خان اور دیگر رہنماؤں کی فوری رہائی تھی جس کا راستہ یہی ہے کہ وہ وزیراعظم سے کہیں کہ وہ صدر کو ان کی سزا معاف کرنے کی سفارش کریں۔ مذاکرات میں اس وقت نہ تعطل ہے اور نہ ہی کوئی بریک ڈاؤن ہے، یہ ختم ہو چکے ہیں۔

وزیراعظم کی پیشکش کے باوجود ان کی طرف سے جو جوابات آئے ہیں وہ آپ کے سامنے ہیں ۔ ان کی جانب سے جو ڈیڈ لائن دی گئی تھی وہ بھی آ چکی ہے۔ انہوں نے اپنی کمیٹی بھی تحلیل کر دی ہے تو اب یہ ختم ہو چکے ہیں۔ ان کا کہنا تھا کہ پی ٹی آئی کے چارٹر آف ڈیمانڈ میں کئی ایسے مطالبات تھے جن کی بنیاد پر اعتماد سازی ہو سکتی تھی۔عرفان صدیقی نے کہا کہ اعتماد سازی کے حوالے سے بھی ہم نے اور بھی بہت سی چیزوں پر کام کر لیا تھا۔https://twincitynews.pk/rana-sanaullah-gives-pti-dialogue-deadline/