پاکستان چین ڈیجیٹل ایجوکیشن الائنس کا قیام، تعلیم کے فروغ کی جانب اہم قدم

ویفانگ – چین کے صوبے شینڈونگ کے شہر ویفانگ میں پاکستان چین ڈیجیٹل ایجوکیشن الائنس کا قیام عمل میں لایا گیا ہے۔ پاکستانی سفیر خلیل ہاشمی نے اپنے سوشل میڈیا پیغام میں اس اہم اقدام کو سراہا اور ویفانگ سٹی ایجوکیشن اتھارٹی، شینڈونگ کالج آف آئی ٹی، آئی ٹی ایم سی، اور یونی کی قیمتی حمایت پر شکریہ ادا کیا۔

سفیر خلیل ہاشمی نے کہا کہ یہ اقدام تعلیمی اور صنعتی شعبے کے درمیان تعلقات کو مزید مضبوط بنانے کی جانب ایک اہم سنگ میل ہے۔ انہوں نے مزید کہا کہ جون 2024 میں پاک چین ڈیجیٹل ایجوکیشن الائنس کا قیام عمل میں آیا تھا اور اب یہ دوسرا بڑا قدم ہے جو دونوں ممالک کے درمیان تعلیمی تعاون کو نئی بلندیاں دے گا۔

اس جدید اقدام کے تحت، دونوں ممالک کے تعلیمی ادارے اور صنعتیں مل کر جدید ٹیکنالوجی اور ڈیجیٹل تعلیم کے فروغ کے لیے کام کریں گی، جس سے طلبہ اور پروفیشنلز کے لیے نئے اور دلچسپ مواقع پیدا ہوں گے۔ اس تعاون سے چین اور پاکستان میں تعلیم کے شعبے میں جدت اور ترقی کی نئی راہیں کھلیں گی۔