نگران وزیر اعظم :قرعہ کس کا نکلے گا؟ بڑے بڑے نام سامنے آ گئے

نجی ٹی وی دنیا نیوز کے مطابق ایم کیو ایم پاکستان کی جانب سے گورنر سندھ  کامران ٹیسوری، نیشنل پارٹی کی جانب سے جسٹس ریٹائرڈ شکیل بلوچ کا نام تجویز کیا گیا ہے۔

ذرائع کے مطابق حفیظ شیخ، شاہد خاقان عباسی، جسٹس ریٹائرڈ مقبول باقر کا نام بھی زیر غور ہے۔

فواد حسن فواد، رؤف شیخ، ذوالفقار مگسی کے ناموں پر بھی غور جاری ہے۔

کچھ حلقوں کی جانب سے محسن نقوی کا نام بھی بطور نگران وزیراعظم تجویز کیا گیا ہے۔ڈاکٹر عشرت العباد کا نام بھی نگران وزیراعظم کیلئے زیر غور ہے۔

یاد رہے کہ وزیر اعظم شہبازشریف پہلےہی اعلان کرچکے ہیں کہ قومی اسمبلی تحلیل کرنے کی ایڈوائس کل صدر مملکت کو بھیج دی جائیگی۔