اسلام آباد کی خاتون وکیل نے مریم نواز کے نام سے پرفیوم لانچ کر دیا

اسلام آباد: ایڈووکیٹ ہائی کورٹ نبا بختیاور نے وزیرِ اعلیٰ پنجاب
مریم نواز کے نام پر پرفیوم لانچ کر دیا۔

نبا بختیاور کے مطابق پرفیوم کی تیاری کا عمل جنوری 2024 میں شروع ہوا تھا، جس میں پراڈکٹ کی تیاری، ڈیزائننگ اور برانڈ رجسٹریشن جیسے مراحل شامل تھے ٹوئن سٹی نیوز سے بات کرتے ہوئے نبا بختیاور کا کہنا تھا کہ اس دوران کئی تکنیکی اور مالی مشکلات کا سامنا بھی کرنا پڑا۔

یہ پرفیوم باقاعدہ طور پر لانچ کیا جا چکا ہے، نبا بختیاور نے خواہش کا اظہار کیا کہ وزیرِ اعلیٰ پنجاب مریم نواز خود یہ پرفیوم ان سے وصول کریں۔

نبا کے مطابق یہ پروجیکٹ کسی تجارتی مقصد کے لیے نہیں، بلکہ بطور خراجِ تحسین تیار کیا گیا ہے۔