آوارہ کتوں کو تکلیف سے مارنے پر اسلام آباد ہائی کورٹ سخت برہم

ٹوئن سٹی نیوز ذرائع کے مطابق اسلام آباد ہائی کورٹ کی جانب سے چیئرمین سی ڈی اے، وائلڈ لائف مینجمنٹ بورڈ اور میٹرو پولیٹن کارپوریشن کو نوٹس بھج دیا گیا ہے۔

چیف جسٹس اطہر من اللہ کا کہنا ہے کہ افسران پیش ہوکر بتائیں کہ عدالتی احکامات کی خلاف ورزی کیوں کی گئی، عدالت نے آوارہ کتوں کو تکلیف سے مارنے کی بجائے پالیسی بنانے کا حکم دیا تھا۔

چیف جسٹس نے مزید کہا کہ چیئرپرسن وائلڈ لائف مینجمنٹ بورڈ پیش ہو کربتائیں آوارہ کتوں کوتکلیف سےبچانے کے لیے کیا پالیسی بنائی ہے۔

دوسری طرف جانوروں کے حقوق کیلئے کام کرنی والی سماجی ورکر عالیہ خان نے ٹوئن سٹی نیوز سے بات کرتے ہوئے اسلام آباد ہائی کورٹ کے فیصلے کو قابل تحسین قرار دیتے ہوئے مطالبہ کیا ہے کہ حکومت آوارہ کتوں کو مناسب شیلٹر دے جہاں ان کی خوراک اور آرام دہ ماحول میسر ہو یا پھر ویکسی نیشن کے ذریعے ان کی آبادی کو کنٹرول کیا جائے واضح رہے کہ عدالتی احکامات کی خلاف ورزی کرنے پر اور آوارہ کتوں کو زہر دے کر تکلیف سے مارنے پر توہین عدالت کی درخواست پر سماعت 16 نومبر کو ہوگی۔