ریاض میں بریک پوائنٹ سنوکر کلب کا باقاعدہ افتتاح
افتتاحی تقریب میں بطور مہمان خصوصی حافظ یعقوب اور پرویز ملک جبکہ ملک ریحان اور ملک زاہد نے خصوصی شرکت کی،
ریاض میں بریک پوائنٹ سنوکر کلب کا باقاعدہ افتتاح ایک پروقار تقریب کے ذریعے کیا گیا۔ افتتاحی تقریب میں بطور مہمان خصوصی حافظ یعقوب اور پرویز ملک جبکہ ملک ریحان اور ملک زاہد نے خصوصی شرکت کی، جبکہ تقریب میں تنویر مہر، عمر خادم، اعجاز چوہدری، عدنان اقبال بٹ سمیت مختلف شعبۂ زندگی سے تعلق رکھنے والی اہم شخصیات اور معزز مہمانوں نے شرکت کی۔
تقریب کی میزبانی وقاص احمد، ملک فیصل اور علی پرویز نے کی، جنہوں نے مہمانوں کا پرتپاک استقبال کیا۔ اس موقع پر پاکستانی کمیونٹی کے ساتھ ساتھ اہلیانِ ریاض کی بڑی تعداد نے شرکت کی اور بریک پوائنٹ سنوکر کلب کے قیام کو صحت مند تفریح اور مثبت سرگرمیوں کے فروغ کی جانب اہم قدم قرار دیا۔
شرکاء نے کلب انتظامیہ کو اس کامیاب آغاز پر مبارکباد پیش کی اور امید ظاہر کی کہ بریک پوائنٹ سنوکر کلب نوجوانوں کے لیے ایک مثبت اور معیاری تفریحی مرکز ثابت ہوگا۔
