سعودی سفارت خانے کی طرف جانے والی سڑک پر تخلیقی آرٹ کا افتتاح

اسلام آباد: سفیر خادم الحرمین الشریفین نواف بن سعید الماکی نے چیئرمین کیپٹل ڈویلپمنٹ اتھارٹی (سی ڈی اے) چوہدری محمد علی کے ہمراہ سفارت خانے کے میڈیا اتاشی کے زیر اہتمام سعودی عرب اسلام آباد کی طرف جانے والی سڑک کی دیوار پر "تخلیقی آرٹ” کا افتتاح کیا۔

اس افتتاحی تقریب میں سعودی سفارت خانے کے میڈیا اتاشی ڈاکٹر نائف العطیبی سمیت مختلف اہم مہمانوں نے شرکت کی۔ تخلیقی آرٹ کا یہ منصوبہ سعودی عرب اور پاکستان کے ثقافتی تعلقات کو مزید مستحکم کرنے کی جانب ایک اہم قدم ہے۔ اس آرٹ کے ذریعے دونوں ممالک کے درمیان ثقافتی اور سماجی ہم آہنگی کو اجاگر کیا گیا ہے۔

اس آرٹ ورک کا مقصد نہ صرف سڑکوں کو خوبصورت بنانا ہے بلکہ عوام میں سعودی عرب کی ثقافت اور ورثے کے بارے میں آگاہی پیدا کرنا بھی ہے۔