پاکستانی معروف شاعر علی زریون ،احمد سعید اور ذکاء اللہ محسن نے عمرے کی سعادت حاصل کرلی

پاکستان کے مشہور شاعروں علی زریون اور احمد سعید نے حال ہی میں عمرے کی سعادت حاصل کی۔ دونوں شعراء نے مدینہ منورہ میں حاضری دی اور وہاں کی مقدس فضا میں عبادت کی۔

صدر پاک میڈیا فورم، ذکاءاللہ محسن نے اپنے سوشل میڈیا اکاونٹ پر ایک تصویر شیئر کی، جس میں وہ علی زریون اور احمد سعید کے ہمراہ خانہ کعبہ کے سامنے موجود ہیں۔

علی زریون اور احمد سعید عمرے کے بعد سعودی عرب کے دارالحکومت ریاض میں ہونے والی "جشن پاکستان” محفل مشاعرہ میں شرکت کریں گے، جہاں وہ اپنے اشعار سے محفل کو سجا کر پاکستان کی ثقافت اور ادب کو اجاگر کریں گے۔

یہ سفر نہ صرف ان کی روحانیت کو جلا بخشے گا بلکہ پاکستان کے ادب کو عالمی سطح پر نمایاں کرنے کا ایک اہم موقع بھی ثابت ہوگا۔