پاکستان میں سونے کی قیمت میں مسلسل تیسرے روز اضافہ

پاکستان میں فی تولہ سونے کی قیمت میں مسلسل تیسرے روز اضافہ دیکھنے میں آیا ہے۔

آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونا 600 روپے اضافے کے بعد 2 لاکھ 8 ہزار 400 روپے کا ہو گیا ہے۔

اس کے علاوہ 10 گرام سونے کا بھاؤ 515 روپے اضافے سے ایک لاکھ 78 ہزار 670 روپے ہے۔

ایسوسی ایشن کے مطابق عالمی بازار میں سونے کا بھاؤ 12 اضافے سے 1917 ڈالر فی اونس ہے۔

یاد رہے کہ گزشتہ روز بھی ملک میں سونے کی فی تولہ قیمت میں 1800 روپے کا اضافہ ریکارڈ ہوا تھا۔